‘કરમ’ શૈક્ષણિક સંકુલના નકશામાં ભોયતળિયામાં સ્પર્ધાત્મક પરીક્ષાની બુકો રાખવા અધ્યતન લાયબ્રેરી રાખવામાં આવેલ છે. એમાં બાળકો માટે વાંચન રૂમ અને લાયબ્રેરીયન માટે રૂમની પણ વ્યવસ્થા કરવામાં આવી છે. ગ્રાઉન્ડ ફ્લોર પર બે અધ્યતન ડીઝીટલ ક્લાસ રૂમો ઉપરાંત કિચન, સ્ટોર રૂમ અને રીફ્રેશ રૂમ પણ રાખેલ છે. પ્રથમ અને બીજા માળે છોકરા અને છોકરીઓ માટે અલગ અલગ ૧૪ રૂમો જેમા કુલ ૫૬ બાળકો રહી શકશે. જેમાં દરેક રૂમમાં ૪ બાળકો માટે અલગ બેડ, કબાટ, કોમ્પ્યુટર ટેબલની વ્યવસ્થા કરવામાં આવી છે. સૌથી ઉપરના માળે અદ્યતન સ્ટેજ અને ચેન્જ રૂમો સાથે ઓડીટોરીયમ હોલ બનાવવામાં આવશે.